انتقدت الممثلة السورية “روعة ياسين” الظهور المبالغ على وسائل التواصل الاجتماعي حيث نشرت عبر صفحتها الرسمية “فيسبوك”: “انا مع الحرية المطلقه لاي شخص يعيش متل مابحب طالما ماعم يأذي غيرو وينبسط بكلشي عندو سواء مال او جمال بس ليه دايما لازم كلشي يكون عالسوشيل ميديا معقول مافي خصوصيه بشي او اقل تقدير لاي انسان ممكن يغص او يدايق من مبالغة المظاهر باستثناء طبعا ازا حدا عم يعمل اعلان شي من حقو يستفيد منو

مضيفةً:غير هيك ليه منروح على مطعم منعمل تشيك ان منروح عالمول لازم صور للشوبينغ الفظيع منروح على اوتيل لازم نصور الجمال يلي غيرنا مو طايلو منشتري سياره مامنتصور غير جنبا بتشتري موبايل غالي لازم يظهر اكتر من وجها بتحب حدا مابتعبرلو غير عالفيس بيسهرو بضلو عم يتصورو

وختمت “ياسين”:السؤال انو عنجد ليه او هي فعلا الناس بتحب هيك او هاد الشي بيعمل قيمه او برستيج اكتر او شو الفكره عنجد مابعرف بس بالنسبه الي هاد الشي حرام واستعراض وبشع ومجاهره ببرستيج مزيف ومضمون فاضي مع الاسف شريحه كبيره بتنغش فيه”.