هاشتاغ سوريا

كل ما يخص سوريا

شكران مرتجى تشتكي التدهور المعيشي لرئيس الجمهورية!!

وجهت الفنانة شكران مرتجى رسالة لرئيس الجمهورية العربية السورية الدكتور بشار الاسد عبر حسابها الرسمي على الفيسبوك، مفادها:

“سيدي الرئيس 
الشعب تعبان مافي غاز مافي مازوت مافي بنزين مافي كهربا آجارات بيوت وصلت لمئات الألوف مافي حليب أطفال وصل حق العلبه ١١الف سوري !!!!!!!
عملولنا بطاقة ذكية وبدك تكون عبقري لحتى تروح وتقدر تطالعها الطرقات بشوية مطر صارت تغرق وتغرق معها ناس معتره معاشها يادوب هي البيوت فيها أهالي شهداء وجرحى ومخطوفين فيها سوريين صبروا كتير كتير اتحملوا الحرب لأنه الحرب كانت قدر ونحنا مؤمنين وبهمة جيشنا اللي لساته واقف بالبرد وبنخجل أصلاًندفى وهنه بردانين قدرنا نتغلب ع كل عدو خارجي بس العدو الداخلي ؟؟؟؟تجار الحرب والأزمة اللي معه مصاري بيدبر حاله اللي عنده واسطه بيزبط اموره بس الأغلبية شو يعملوا تعبنا وعود وعهود عالتلفزيونات والإذاعات 
معقول اللي ما مات من الحرب يموت من القهر والبرد والغلا وووووووتعبنا عتمة بدنا نطلع عالضو بيلبقلنا وبيلبق لبلدنا العظيم”.

مؤكدة أن رسالتها موجة له لانه الشخص الوحيد الذي يمكنه أن يسمع صوت شعبه ويلبي ندائه.

خاتما رسالتها “مابدنا نهاجر مابدنا نسافر بدنا نبقى ببلدنا نعمرها
كلنا مع الوطن بس مابدنا الوطن يكون علينا.
مواطنه”

اضغط هنا لمتابعة أخبارنا على تليغرام

Facebook Comments

26 thoughts on “شكران مرتجى تشتكي التدهور المعيشي لرئيس الجمهورية!!

  1. الله محي اصلك ست كل شكران حطيتي ايدك على وجع كل مواطن سوري شريف بس بتصور تجار الازمه مارح يوجعن قلبن على الموطن الفقير بقدر مابخافو تنقص ثروتون وحكومه موقره لحقه الفلاح وموظف على دراجته الناريه التي تقل الفلاح الى ارضه وعامل الى عمله يريدون شل الحياة ببلدنا ولكن رب العالمين معنا وسوف ننتصر على دواعش الداخل

  2. ياررررب تصل كلماتك ست شكران والله محيي اصلك بنت بلدي فنانتي الحبيبة والرائعة يارب والله الشعب كتير تعبان

  3. ياررررب تصل كلماتك ست شكران والله محيي اصلك بنت بلدي فنانتي الحبيبة والرائعة يارب والله الشعب كتير تعبان

  4. الله يرحمك .
    انتي تعديتي حدودك . وفتحتي تمك . يا ويلك ويا سواد ليلك . هربي بسرعة . ويا تلحقي يا ما تلحقي .
    اهربي بجلدك قبل ما تجار الازمة يدبرولك شي مصيبة .
    بدك تبقي بالوطن .
    الوطن مات مع اول قطرة دم انهدرت على ارصه بدون سبب وبدون ذنب .
    قتلوا شي اسمو وطن ومواطنة بقلوبنا . صارت الغربة ارحم من هيك زطن وهيك مسؤولين زبالة .
    لا تستني ولا تترجي شي من سيد الوطن . لانو ما فاضي يسمعك . فيه شي أهم منك واذا سمعك ما رح يعمل شي لأنو ايد وحده ما بتصفق . وفهمك كفاية .
    اهربي قبلو ما ينتفو ريشك . ما فاضيين نترحم على ناس تانيين . اللي ماتوا بيكفي .

  5. دخيل الله الي خلئك اللله يسعد ئلبك يا شكران ويعطيكي الي ببالك بكفي انك حاسه به الفقرا غيرك مو هامو غير حالو الله يحميكي يااحلا ممثله شفتها بحياتي❤

  6. بطاقات ذكية؟؟ نص السوريين مشردين خارج البلد كيف هي؟؟ زبطت معك.. لسان مخابراتي

    بالنسبة لسيادتو هي الأمور تافه بنظره و ثانوية، المهم الكرسي بخير

  7. ليش عم اتناشدي واحد رجل كرسي روح ابعتي الرساله لبوتين او للخامني هما يمكن يعمرو البلد وينور ويحنو عل اهل سوريا

  8. نشكرك يا شكران على غيرتك ولهفتك واحساسك بمعاناة الناس الوضع أصبح مأساوي ومعيب وزارئنا يخرجون علينا من خلال إعلامنا بكل وقاحة وعود كاذبة يستخفون بعقول الناس أحدهم يزور وحدة لتعبئة الغاز يتم تصويره يتسامر يوزع ما هو بديهي كفوف للعمال (الأمان الصناعي ) ويغادر مبتسما بموكب كلف وقود آلاف الليرات السورية للوصول والعودة إلى دفء مكتبه
    دون حلول تذكر فقط وعود قريبا …
    وكأن الشتاء كان مفاجئا قدومه في هذا الوقت ولم يكونوا جاهزين لاستقباله للأسف هو لا يستقيل تعبيرا عن تقصيره ولا أحد يقيله هو وغيره .

  9. يسلم ايديكي واله صرنا بزمن قبل اربعين سنه لاغاز ولاكهرباء ولاماء الله وقف معنا

  10. كلي خره بلد عاش حرب مدمرة تآمرت عليه دول احط من الانحطاط و جاي تنظري على هذه الدوله كتر خير الله اللي بعدها واقفه على رجليها انا لا ابرر الخطأ لكن هذا هو الموجود حاليا

    1. بشو بعصتك لما طلبت من رئيسك و تاج راسك يا ابو راس .. تضرب منك الها الو

  11. لا تندهي مافي حدا
    لساتك معتبرتيه رئيس هذا سفاح وعبد للكرسي قتل الشعب كرمال السلطة الله ينتقم منه ومن كل حدا ظلم هالشعب

  12. ولله انك حرة من بطن حرة لكن يؤسفني ما سيحل بك بعد هذه المناشدة لأن ذئاب و تجار الحرب لم يتركونك تكشفي حال البلد المذري اما بما يخص سيادته بس يمون على حاله بيبقى بيرد عليكي بلدنا انتهى و أصبح مرتع لمجرمين و حثالة العالم و سورية أصبحت حاوية قمامة لهؤلاء

  13. السيد الرئيس وحده الصادق اذا وعد صدق وهو وحده القادر ان يفعل. يجب ان تصل الرسالة اليه .اطلب من الرب ان يقويه وينصره وينجح في اسعاد شعبه بالسيطرة على الفساد وتجار الازمات
    واتمنى وانا اول انسانة ان يعود كل من اضطر الى المغادرة العودة الى وطنه االحبيب

  14. هاد الحكي عن كل الشعب السوري داخل البلد وخارجها ايضا لان المواطن السوري لما عم بينزل على سوريا ما عم بيقدر بيعيش اكتر من عشره ايام لان كل هدول مافي ك م مازوت بنزين وووو انتبهو على الي ضلو لا تقتلوهم وهم عايشين بالبلد

  15. شكرا شكران ع هذه المناشده واحساسك بأوجاع الشعب الفقير واتمنى ان تصل هذه المناشده.

  16. ماهو الفساد والمحسوبيه هنن اللي وصلوا البلد لهالحاله المزريه وصارو العن واكبر .
    ولن تصلح حال البلد الا لما نبطل نفاق وكذب ولايغير الله مافي قوم حتى يغيرو مافي انفسهم والشغله اكبر من هيك وهي تشويه للدين وتذكروا ان العدل اساس الملك .

  17. كلام لن يؤدي لشيئ لأن هذا الوطن لم يعد للسوريين فيه موضع شبر.ِِ
    اصبح وطن المجرمين و تجار الدم و الازمات و المحتلين الروس و الإيرانيين.

اترك تعليقاً

لن يتم نشر عنوان بريدك الإلكتروني.

Social media & sharing icons powered by UltimatelySocial